İktlab.edu.az onlayn tədris portalı əhalinin, xüsusilə
xanımların rəqəmli bacarıqlarının artırılması və informasiya-kommunikasiya
texnologiyalarından istifadəsi üzrə biliklərinin inkişafı məqsədilə
yaradılmışdır. Bu portalda İKT və rəqəmli bacarıqlar üzrə video dərslərdən ibarət
multimedia onlayn kurslar təqdim edilir. Portal “İKT LAB” Tətbiq və Tədris Mərkəzi
tərəfindən yaradılmışdır. İKT LAB haqqında ətraflı məlumatı https://iktlab.az/ saytından əldə
edə bilərsiz.
Portalda İKT və rəqəmli texnologiyalar üzrə müxtəlif mövzulara həsr
edilən və ana dilimizdə hazırlanmış
kurslar yerləşdirilir. Bu kurslar sayəsində istifadəçilər interaktiv formada
onlayn təlimlərdə iştirak edə bilərlər. Hal-hazırda portalda rəqəmli
bacarıqların əsasları, internet texnologiyalardan istifadə və digər bu kimi
kurslar yerləşdirilmişdir. Yaxın gələcəkdə rəqəmsal marketinq və
proqramlaşdırma kimi kurslar portalda yer alacaqdır.
Portalın kurslarını uğurla başa vuran şəxslər portal üzərindən dərhal
sertifikatlarını əldə edə bilərlər. Eyni zamanada, portalda yerləşdirilmiş
bütün kursları bitirən şəxslər “İKT LAB” Tətbiq və Tədris Mərkəzinə
yaxınlaşaraq çap olunmuş sertifikatlarına sahib ola bilərlər.
Eyni zamanda, kompüteri və internetə çıxışı olmayan şəxslər “İKT LAB”
Tətbiq və Tədris Mərkəzinin ölkənin müxtəlif şəhərlərində yerləşən 21 regional
mərkəzinə yaxınlaşıb, onlayn kurslarda iştirak etmək üçün regional mərkəzin
imkanlarından istifadə edə bilərlər. Bunun üçün Mərkəzə müraciət etmək
lazımdır.
Qeyd edək ki, onlayn tədris portalı və portalda yerləşdirilən multimedia video dərslər Rəqəmsal İnkişaf və Nəqliyyat Nazirliyinin və Beynəlxalq Telekommunikasiya İttifaqının dəstəyi ilə həyata keçirilən “Qadınlar üçün multimedia onlayn kurs və veb-portalın inkişafı” adlı layihə çərçivəsində hazırlanmışdır.
İctimai rəy yazın / Fikrinizi bildirin